ពិធីថតរូបអនុស្សាវរីយ៍ថ្ងៃភ្ជុំបិណ្ឌ២០១២

 ពិធីបុណ្យភ្ជុំបិណ្ឌ គឺជាបុណ្យប្រពៃណីជាតិខ្មែរ​ដែលបុព្វបុរសដូនតាយើង​តែងតែប្រារព្ធធ្វើនៅថ្ងៃទី១៥រោច ខែភទ្របទ ជារៀងរាល់ឆ្នាំ។ ថ្ងៃភ្ជុំបិណ្ឌនេះ គឺជាថ្ងៃមួយដ៏សំខាន់​ណាស់ ហើយក៏ថ្ងៃចុងក្រោយនៃ​ពិធីបុណ្យនេះផងដែរ។ ហេតុនេះហើយបានជានៅប្រទេស​កម្ពុជាយើង រដ្ឋាភិបាលបាន​អនុញ្ញាតឲ្យបុគ្គលិក​ មន្ត្រីរាជការ គ្រប់ក្រសួង និង ស្ថាប័នទាំងរដ្ឋនិងឯកជនឈប់សំរាក ដើម្បីឲ្យ​ពួកគេមានឱកាសដើម្បីបំពេញនូវបុណ្យកុសលឧទ្ទិសជូនដល់ដួងវិញ្ញាណក្ខន្ធនៃបុព្វការីជនទាំងឡាយរបស់ពួកគេ​ដែលបានស្លាប់បាត់បង់ជីវិតទៅហើយ។ ដោយឡែក ជនជាតិខ្មែរដែលរស់នៅឯនាយសមុទ្រ​ ទីក្រុងដាវិន ប្រទេសអូស្ត្រាលី ក៏បានប្រារព្ធធ្វើពិធីបុណ្យភ្ជុំបិណ្យនេះផងដែរ បើទោះបីជានៅទីនេះ​មានជនជាតិខ្មែរតិចតួចក៏ដោយ ក៏យើងជាជាតិខ្មែរបានប្រកាន់ខ្ជាប់នូវប្រពៃណីរបស់ខ្លួនជានិច្ច។

ដោយអំណាចនៃកុសលផលបុណ្យដែលយើងបានបំពេញធ្វើនៅពេលនេះ សូមឲ្យដួងវិញ្ញាណក្ខន្ធ​នៃបុព្វការីជនទាំងឡាយ​ មានមាតា​​បិតា ជីដូនជីតា ញាតិការទាំង៧សន្តាន បានទៅសោយសុខ​ក្នុងសុគតិភពកុំខានឡើយ។ សុខោ បុញ្ញស្ស ឧច្ចយោ ការសន្សំបុណ្យនាំមកនូវសេចក្ដីសុខ។

សាមគ្គី សមគ្គានំ តបោ សុខោ ការរួបរួមសាមគ្គីក្ដី ការបំពេញនូវតបៈក្ដីក៏នាំមកនូវសេចក្ដី។ នត្ថិ សន្តិ បរំ សុខំ គ្មានសេចក្ដីសុខណាស្មើនឹងសេចក្ដីស្ងប់ឡើយ។